Фотафакт: У Віцебску недалёка ад месца, дзе быў касцёл св. Антонія, пракладаюць трубаправод
У Віцебску недалёка ад месца дзе знаходзіўся касцёл святога Антонія на правым баку вуліцы Леніна пачалі пракладку водаправода.
Трубаправод пракладаюць метадам гарызантальнага бурэння, буравая ўстаноўка ўсталяваная насупраць дома №40 па вуліцы Леніна, а іншы канец свідравіны вывелі насупраць дома №2 па вуліцы Леніна — прыкладна ў 20 метрах ад таго месца, дзе быў касцёл.
Наколькі можна меркаваць лінія водаправода праходзіць амаль пасярэдзіне сучаснага тратуара на усходнім баку вуліцы Леніна і ўсходней забудовы, якія існавала на гэтым баку вуліцы да яе пашырэння.
Археолаг, які прысутнічаў на пляцоўцы, паведаміў, што працы вядуцца пад навуковым наглядам, усё, што было вынята з двух катлаванаў праглядалася. Таксам ён запэўніў карэспандэнта “ННВ”, што пракладаць трубаправод праз фундаменты касцёла нікому не дазволяць.
Нагадаем, што ў 2007 годзе пад час падобных працаў на плошчы Свабоды былі пашкоджаныя парэшткі Свята-Мікалаеўскага сабора (да перадачы праваслаўным — касцёла святога Язэпа).
