Народныя навіны ВіцебскаНародные новости Витебска

Пачаўся прыём заявак для ўдзелу ў рэаліці-праекце «Горад», дзе кожны мае шанц атрымаць грошы на рэалізацыю ўласнага праекта для роднага горада.

Беларускі партал T*T.BY, арганізатары «Школы супергерояў» і прадзюсеры рэаліці-шоў «Панаехалі» пры падтрымцы кваса «Хатні» прапануюць кожнаму грамадзяніну Беларусі незалежна ад горада пражывання стаць удзельнікам рэаліці-праэкта «Горад»!

«Горад» - гэта унікальны фармат, які аб'яднаў у сабе рэалізацыю уласных ініцыятыў па паляпшэнню гарадоў і фармат рэаліці-шоў на беларускім партале T*T.BY.

Каб стаць удзельнікам праекта трэба запоўніць заяўку да 25 сакавіка на сайце Gorodproject.by, а менавіта прапанаваць сваю ідэю, якую вы здольны рэалізаваць у родным горадзе.

Конкурсны адбор лепшых прапаноў ладзіцца ў некалькі этапаў. Удзельнікі праекту пройдуць у Мінску тыднёвы навучальны курс, падчас якога пазнаёмяцца з экспертамі ў галіне рэалізацыі гарадскіх і культурніцкіх праектаў, спецыялістамі па прамоўцыі і інш. Пры гэтым арганізатары забяспечваюць удзельнікаў пражываннем у сталіцы падчас навучання.

Пасля дадатковага адбору аўтары 3-х лепшых прапаноў атрымаюць  фінансаванне на рэалізацыю сваіх ідэй. Прызавы фонд конкурсу складае 50 мільёнаў беларускіх рублёў.

Кожны крок удзелу ў праэкце будзе паказаны на партале T*T.BY у фармаце рэаліці-шоў!