“Хмяльны” турнір збірае футбалістаў
У чацвёрты раз у Віцебску праводзіцца адкрыты кубак ФК “Хмель”. Падзея арганізуецца выключна для аматарскіх футбольных каманд. Хлопцы з Гарадка, Навалукомля, Масквы, Мінска, Смаленска, Шуміліна і іншых гарадоў едуць на бераг Віцьбы.
Турнір ладзіцца ў чацвёрты раз. Арганізатары спрабуюць спалучаць здаровы лад жыцця і змаганне за перамогу з прасоўваннем культуры “спажывання”. Настрой падзеі абяцаюць ствараць ды-джэямі, халоднымі напоямі, бір-понг спаборніцтвамі, і, канешне, футболам.
Пад апекай ФК “Віцебск” турнір будзе адбывацца на аматарскім полі ў парку па праспекце Люднікава. Гэта адно з вялікай колькасці мерапрыемстваў, што адбываецца ў Дні горада 27 і 28 чэрвеня.
Відэа: Аляксандр Пяршай
