Падарунак для трэнера – перамога
Так атрымалася, што хатні матч віцебскай жаночай каманды па футболе “Універсітэт” з брэсцкай дружынай “Вікторыя-86” прышоўся на дзень народзінаў аднаго з трэнероў віцебскага клуба – Васіля Пятровіча Дзятлава.
Аднак пачаўся гэты падынак для Васіля Пятровіча не па-святочнаму. У варотах яго падапечных пасля дзесяці стартавых хвілін пабывалі два мячы.
Але нядоўга суперніцы нашых дзяўчат радаваліся сваім галявым поспехам. Ужо дзесьці на 35-й хвіліне першага тайма “Універсітэт” вёў з лікам 3:2. А пасля перапынка яшчэ двойчы атакі віцябчанак завяршыліся ўзяццем варот.
