Снежны шторм насоўваецца на Беларусь
Цягам бліжэйшых сутак цыкланічны віхор “Хавер” рэзка пагоршыць надвор’е на тэрыторыі Беларусі. МНС распаўсюдзіла аператыўнае папярэджанне Гідраметэацэнтра пра небяспечныя метэаралагічныя з’явы, якія чакаюцца 15 сакавіка.
У сувязі з выхадам на тэрыторыю Беларусі актыўнага паўднёвага цыклону ў пятніцу чакаюцца складаныя умовы надвор’я: ноччу па паўднёва-ўсходняй палове моцны снег, раніцай і днём у многіх раёнах рэспублікі чакаюцца вельмі моцныя снегапады. На большай частцы тэрыторыі завеі з пагаршэннем бачнасці да 300-800 метраў, снежныя заносы, узмацненне паўночнага ветру парывамі 15-20 м/с, у дзённыя гадзіны месцамі да 21-24 м/с. У паўднёва-ўсходніх раёнах краіны чакаецца моцны мокры снег і дождж, месцамі галаледзіца і наліпанне мокрага снегу. У Віцебску тэмпература паветра будзе адмоўнай.
У нядзелю, 17 сакавіка, вецер сцiхне, спыняцца снегапады. Але ўслед за цыклонам адкрыецца доступ на поўдзень паветраным масам з Арктыкі, пачнецца ўзмацненне маразоў. У панядзелак пры ціхім малавоблачным надвор'і прыкметна ўзмоцняцца начныя маразы. Уначы чакаецца ад 13 да 19 градусаў са знакам мінус, месцамі мароз ўзмоцніцца да 20-27 градусаў. Днём прагназуецца 4-10 градусаў ніжэй за нуль, па поўдні будзе ад 1 да 3 марозу. “Такі тэмпературны фон будзе ніжэй за кліматычную норму не толькі для сярэдзіны сакавіка, але і для сярэдзіны студзеня. Істотных ападкаў не прагназуецца”, — адзначыла Людміла Парашчук паведамле БелТА.