Народныя навіны ВіцебскаНародные новости Витебска

У Віцебскім гарвыканкаме 13 лістапада адбудзецца цырымонія ўшанавання студэнцкіх атрадаў гарадской арганізацыі грамадскага аб’яднання “БРСМ”. Па выніках працоўнага семестра ўзнагародзяць лепшыя атрады, лепшых сябраў арганізаціі і лепшых наймальнікаў.

Як паведамляе сайт Віцебскай гарадской арганізацыі “БРСМ”, сёлета “ўдалося працаўладкаваць і тым самым даць магчымасць падпрацаваць ў вольны ад вучобы час амаль 4.900 навучэнцам і студэнтам Віцебска. Сярод удзельнікаў студэнцкіх атрадаў у гэтым годзе было шмат не толькі хлопцаў, але і дзяўчат”.

Студатрады былі заняты на будаўніцтве парка Пераможцаў, дзіцячага сада ў мікрараёне Білева-1, цэха ААТ "Віцебскдрэў", на рэканструкцыі малочна-таварных ферм вобласці і іншых аб’ектах. Упершыню студэнты працавалі кандуктарамі – у аўтапарку №1.

Паводле інфармацыі сайта, заробак удзельнікаў студатрадаў залежаў “ад аб’ёму і якасці” працы. Так, на добраўпарадкванні парка Пераможцаў, на будаўніцтве жылога дома ў мікрараёне Поўдзень-5 за месяц можна было зарабіць да 2-2,5 мільёны рублёў. На рэканструкцыі малочна-таварных ферм плацілі менш – 1-2 мільёны, а прадстаўнікі педагагічных атрадаў маглі зарабіць ад 500 тысяч да 1,5 мільёны рублёў.