Беларускія вершы – з віцебскіх “блакітных” і светадыёдных экранаў

У Віцебску задумалі новы літаратурны праект – вядомыя людзі краю будуць дэкламаваць творы беларускіх аўтараў з тэлевізійнага экрана.

Як паведаміў БелТА намеснік старшыні Віцебскага аблвыканкама Уладзімір Цярэнцьеў, праект, назва якога пакуль абмяркоўваецца, прымеркаваны да Года кнігі і пачнецца на мясцовым тэлебачанні ў пачатку чэрвеня.

Сутнасць праекта ў тым, што аўтарытэтныя і паважаныя ў рэгіёне персоны ў тэлевізійнай студыі будуць чытаць любімыя творы беларускіх аўтараў. Запіс будзе весці тэлерадыёкампанія "Віцебск", а затым родную паэзію можна будзе пачуць на мясцовым тэлеканале, а таксама на экранах у цэнтры горада.

Імёны чытальнікаў пакуль не называюць, але вядома, што сярод першых удзельнікаў праекта будуць заслужаны настаўнік Беларусі, народная артыстка Беларусі, намеснік старшыні аблвыканкама, генеральны дырэктар буйнога прадпрыемства, журналіст. Яны будуць чытаць творы як класікаў беларускай літаратуры, так і сучасных аўтараў.

Паводле БелТА.

Меткі: , , ,

Чытайце яшчэ