У Віцебску зноў з’явіцца Канатная вуліца

На карце Віцебска зноў з’явіцца вуліца Канатная. Яна знікла ў 1933 годзе, калі была перайменаваная ў вуліцу імя Георгія Дзімітрава.
Паштоўка пачатку XX стагоддзя з відам Канатнай вуліцы ў Віцебску

На жаль, гістарычная назва вяртаецца не да вуліцы, якая насіла яе раней: у Канатную, згодна рашэння Віцебскага гарсавета, пераймяноўваюць вуліцу Палявую ў Кастрычніцкім раёне, якая праходзіць сярод садовых участкаў.

Акрамя таго, прынята рашэнне назваць існуючыя элементы вулічна-дарожнай сеткі наступным чынам: перавулак ад вуліцы 6-й Задарожнай да 1-й Задарожнай, які з’яўляецца часткай праектуемага перавулка 2-га Дугавога — 2-м Дугавым; частку дарогі паміж вуліцамі 27-й Дывізіі і 1-й Задарожнай, які з’яўляецца працягам праектуемай вуліцы Дугавой — вуліцай Дугавой. Перавулак Чыгуначны ў Кастрычніцкім раёне Віцебска будзе перайменаваны ў Кабельны, а вуліца Маладзёжная ў былой вёсцы Шпілі, якая ўвайшла ў рысу горада, стане пачаткам 1-й Слабадской. Участку дарогі ад праспекта Фрунзэ да перасячэння з вуліцай Баумана і далей рашэннем гарсавета прысвоены від элемента — вуліца і назва — 1-я Даватара.

Меткі: , ,

Чытайце яшчэ