Беларускія баксёры і баксаны паспяхова выступілі на турніры памяці воінаў-інтэрнацыяналістаў

Напрацягу трох дзён, з 16 па 18 сакавіка, на рынгу ў віцебскім Цэнтральным спартыўным комплексе панавалі сур’ёзныя жарсці – тут праходзіў XIII адкрыты рэспубліканскі турнір па боксе памяці воінаў-інтэрнацыяналістаў.
На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

У спаборніцтвах прынялі ўдзел 130 спартсменаў з Беларусі, Расіі і Эстоніі. Нашу краіну прадстаўлялі выхаванцы спартыўных школ з Віцебска, Полацка, Наваполацка, Глыбокага, Магілёва, Барысава і Баранавічаў. Расійскія госці прыехалі з Пскова, Вялікіх Лукаў, Рослаўля, Анапы, а эстонцы – з Таліна і Йыхві.

На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

Адметнасцю сёлетняга віцебскага турніру стала тое, што на ім упершыню прайшлі баі сярод жанчын. Папулярызаваць жаночы бокс сталі з-за таго, што ён уключаны ў афіцыйную праграму Алімпійскіх гульняў 2012 года ў Лондане. На рынг выходзілі спартсменкі 1992 года нараджэння і старэйшыя ў вагавых катэгорыях да 60 кг. У мужчынскай частцы турніру паядынкі праходзілі сярод спартсменаў у трох узроставых групах (1997-1998, 1995-1996 і 1993-1994 гадоў нараджэння) у розных вагавых катэгорыях.

На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

Па словах галоўнага сакратара турніру Аляксея Шашко, беларускія баксёры вельмі паспяхова выступілі на гэтых спаборніцтвах. “Увогуле многія адзначылі, што гэты турнір памяці воінаў-інтэрнацыяналістаў меў даволі высокі ўзровень. У мінулым годзе турнір на праводзіўся, па фінансавых прычынах, а сёлета яго вырашылі адрадзіць”, – сказаў А.Шашко.

На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

Прыемна, што на вышэйшую ступень п’едэсталу гонару не раз падымаліся прадстаўнікі Віцебшчыны. Так, сярод юнакоў 1993-1994 г.н. пераможцамі сталі адны віцябляне: Арцём Кісель (вагавая катэгорыя да 56 кг), Сяргей Шарабайка (да 60 кг), Дзмітрый Карвецкі (да 64 кг), Дзяніс Паскін (да 91 кг).

На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

Ва ўзроставай групе 1995-1996 г.н. перамогу святкавалі чатыры нашых земляка: Уладзіслаў Каліянц (Віцебск, вагавая катэгорыя да 42 кг), Яўген Леднік (Глыбокае, да 48 кг), Алег Кандратовіч (Віцебск, да 60 кг), Аляксей Лакса (Віцебск, да 63 кг). Сярод удзельнікаў 1997-1998 г.н. “золата” заваяваў віцяблянін Дзяніс Халанькоў (да 54 кг).

На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

Прадстаўніцы нашай вобласці былі першымі і сярод баксан: Анастасія Конах (Наваполацк, да 51 кг) і Аляксандра Малахава (Віцебск, да 60 кг). Жаночыя баі прайшлі ў апошні дзень турніру, 18 сакавіка.

На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

Правілы жаночага бокса шмат у чым падобныя з мужчынскім. Адно з нешматлікіх істотных адрозненняў у тым, што абавязковым элементам экіпіроўкі баксан з’яўляюцца абараняючыя грудзі пратэктары – спецыяльныя шчыткі. Гэта шмат у чым вызначае важную тэхнічную асаблівасць жаночага бокса: тут больш удараў наносіцца ў галаву і менш – у добра абаронены корпус.

На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

Арганізатарамі турніру памяці воінаў-інтэрнацыяналістаў выступілі Віцебскія аблвыканкам і гарвыканкам, грамадскае аб’яднанне “Віцебская федэрацыя бокса”, Віцебская гарадская арганізацыя грамадскага аб’яднання “Братэрства” пры падтрымцы прадстаўніцтва Нацыянальнага алімпійскага камітэта па Віцебскай вобласці.

На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

На рынгу віцебскага Цэнтральнага спартыўнага комплекса праходзіў XIII адкрыты рэспубліканскі турнір па боксе. Фота Сержука Серабро

Меткі: , , ,

Чытайце яшчэ