У Віцебску прайшоў конкурс беларускай батлейкі
Конкурс беларускай батлейкі прайшоў у Віцебску 29 снежня у межах Дзён хрысціянскай культуры.
Традыцыйныя калядныя містэрыі на сцэне актавай залі Віцебскага дзяржаўнага універсітэту імя Машэрава паказалі каля дзесятка дзіцячых калектываў з розных каталіцкіх парафіяў вобласці.
Цікава, што большасць калектываў паспрабавала прыўнесці ў кананічны сюжэт нешта новае. Таму на сцэне, акрамя традыцыйных персанажаў - Дзевы Марыі, пастушкоў, анёлкаў - з'яўляліся то чорт, то цяжкія падлеткі, а то і наогул Лес і Возера, ўвасабляючыя беларускія краявіды.