У Паставах адзвінелі цымбалы і гармонік. Фотарэпартаж
XI Міжнародны фестываль “Звіняць цымбалы і гармонік” прайшоў у Паставах 6-8 чэрвеня.
Удзел у фальклёрным фестывале прынялі госці з 10 краін. Упершыню на свята завіталі прадстаўнікі Харватыі і Венесуэлы.
На адкрыцці свята пастаўчан і гасцей горада радаваў Дзяржаўны акадэмічны народны аркестр Рэспублікі Беларусь імя І. Жыновіча. Дырыжыраваў аркестрам галоўны дырыжор Міхаіл Казінец, які святкаваў у Паставах свой юбілей.
Прывітальнае слова да ўдзельнікаў фестывалю даслаў дзяржаўны сакратар Саюзнай дзяржавы Павел Барадзін.
Адметна, што патруляванне фестывальных пляцовак па забяспячэнню парадка акрамя міліцыі неслі казакі.
За тры фестывальныя дні ў Паставах можна было падзівіцца на спаборніцтва музыкаў, набыць вырабы народных майстроў, патанчыць на вячэрніх балах. Заключны гала-канцэрт прайшоў 8 чэрвеня.