У Віцебску затрыманы праваабаронца Павел Левінаў
27 сакавіка ў Віцебску затрыманы і дастаўлены ў Першамайскі РАУС праваабаронца і сябра Беларускага Хельсінскага Камітэту Павел Левінаў, які спрабаваў трапіць у кватэру журналіста Вадзіма Баршчэўскага, дзе супрацоўнікі КДБ праводзілі ператрус.
Спадара Левінава прасіў прысутнічаць пры ператрусе гаспадар кватэры — Вадзім Баршчэўскі. Якога зараз няма ў горадзе. Да гэтага праваабронца быў сведкам вобшуку ў віцебскай журналісткі Алены Сцяпанавай, чым магчыма выклікаў незадавальненне “сілавікоў”.
Як стала вядома “Народным навінам Віцебска” пры затрыманні Паўла Левінава абвінавацілі ў дробным хуліганстве — нецэнзурнай лаянцы.
