У навагоднюю ноч у Віцебску нарадзілася дзяўчынка
У 00 гадзін 05 хвілін у навагоднюю ноч у Віцебску нарадзілася дзяўчынка.
Новая жыхарка нашага горада з’явілася на свет у гарадскім клінічным радзільным доме №1. Яе вага – 3 кілаграмы 270 грамаў, а рос – 51 сантыметр. Такі цудоўны “навагодні падарунак” з’явіўся ў сям’і віцябчан Каньковых. Мама Вольга працуе ў краме №12 ААТ “Віцебскія прадукты”, а тата Аляксандр – у віцебскім філіяле РУП “Белтэлекам”, паведамляе сайт Віцебскай абласной тэлерадыёкампаніі.
