Павел Красоўскі выйшаў на волю
Сёння, пасля 10 сутак арышту, у 17:30 з ізалятара часовага ўтрымання УУС віцебскага аблвыканкаму быў вызвалены адзін з лідараў "Маладога Фронту" Павел Красоўскі.
Нагадаем, што Красоўскага падазраюць у падрыхтоўцы мінулагодніх выбухаў у Віцебску, а таксама ў двух забойствах і згвалтаваннях дзяўчат у 1999 г.
Пашу паведамілі, што следчыя мерапрымествы адносна яго будуць працягнутыя. Зараз ён вярнуўся дахаты ў Жодзіна.